HARROTU ILEAK proiektua

Harrotu ileak Egia auzoan (Donostia) kokatutako Tabakalera zaharrera maiz joaten diren gazteen beharrei erantzuteko asmoz sortutako ekimena da. Beren topagune nagusia ostiral arratsaldeetako lantegian izaten da, non adin eta jatorri desberdinetako gazteek eta, gizarte hezitzaile eta boluntarioek esperientziak partekatzen dituzten prestakuntza eta aisialdiko jarduera desberdinen bidez. Ondorengo bideoan, Leire San Martinek, Tabakalerako Hezkuntza Arloko langileak eta Harrotu ileak proiektuaren sustatzaileak, horren berri eman digu.